Pénitentiel (examen de conscience)©

Texte

Biblioteca Medicea Laurenziana Ashburnham 115 (∼ 1350)

(01r 1-9- 02v 10 – 16)©

www.filologiaromanza.it Pistoia 2009-07.10.2021.

Tos els drets reservats ©

Pistoia 2009-07.10.2021.

Pénitentiel (examen de conscience)©

Biblioteca Medicea Laurenziana Ashburnham 115 (∼ 1350)

(01r 1-9- 02v 10 – 16).

À remarquer : cote : numéro romain = n. feuille ; r = recto ; v= verso ; numéro ligne (ex. : 02r 2, 1 : feuille 02 recto, colonne 2 ligne 2) ; BMLA 115 = Biblioteca Medicea Laurenziana Ashburnham 115.

1r 01 1

[miseri]cordie las qual son albrejar le pa[sans] ve
[fo]restir deslieurar los encarserats vesitar los malages
[se]belir los mors e servir a les sobolturas que se entendon ve
[se] podon entendre donar a manjar als paures abeurar les
sedejats ajudar a bastir poans e gleysas e ospita[ls]
e a pauras donsellas aiudar a maridar ❡ hyeu fort
pecayre soy estat neglegens e desconoycens a complir
aquestas vii obras de misericordia que o pogro aves
Jhesus misericordia.
las autras iii obras de m non ay conplidas ni fachas
anayci coma pogra ni degra far las cals son perdonar
eniurias o torts castiar los fols o las folas e donar li
exemple per bonas obras e hyeu fort pecayre ay fach
en la premiera car non ay perdonat ni volgut
perdonar los torts o las eniurias que on m’avie fach
o diches que o degra perdonar per amor de nostre senho[r]
i non o volie far ❡ en la segunda ay pecat e falhit
car non ay castiat lo fols o las folas can dizien o faz[ien]
causas que eran contra Dieu o contra nostra fe o contra nostre c[r]ede o contra
onestetat que o pogra ser e o degra far ❡ ay pecat e
falhit en la iii obra car non ay ensenhat e mostrat
o per bon fach o per bon dich ensenhamens o per bona vida
o per bonas obras que o degra far e o pogra far ❡ en
calque maniera que hyeu aia falhit ni pecat ni
offendut Dieu ni m’arma en aquestas vii obrats
de m corporals ni esperitals fau ne ma cofecio
a Dieu e a tots los sans e las santas de paradis e a vos care
payre
atressi si anc falhit ni duptiey en negune p[arts]
en tota ma vida en alcus articles que son ly
de nostra fe santa catolica anayci coma se convenon
al credo in deum so es assaber hyeu crese en
Dieu lo Payre tot poderos creador del cel e de la
terra e en Jhesu Crist filh de nostre se[nho]r Dieu lo cal es
conceput de sancta Maria Verges et tormentat sote Pontz
Pilat crucifiat mort e sebolit decendet als hinfers
al ters jorn ressusitet de mort montet a la dextra
del sieu Payre e d’aqui vendra o es venedor
iujar los mos e los vieus atreci crese el sant esperit
e en las sievas humanitats que son vii en una
gleysa i la cumuletat dels sans e de las santas de
paradis en la redenpton de nostres cors e la vida
perdurabla que auran los amix de Dieu en l’autre
segle en calque maniera que hyeu aia falhit ni pec[cat]
en aquestos xii articles o en la Trinitat so es
en[vers] lo Payre e lo Filh e sant Esperit que aquestas
iii personas son i Dieu e senhor e creayre e
nostre salvayre fau ne ma cofecio a Dieu e a
madona santa Maria e a vos car payre miu
conoyse e manifeste que mota vegadas ay pe[cat]
de vii sagramens de la santa gley[sa] […]
el sant baptism que non gardava [. …]
ma fe anayci coma promesiy o h[ieu …]
el sant baptisme i penedensa [. …]

01v 2

[o]servada anayci coma degra ni anaysi coma
[ho]m la m’avia comandada motas vez lo sant
[sa]crifici so es lo cors de nostre senhor die Jhesu Crist
non ay receuput ambe aquela reverencia que d[egra]
ni pogra matrimoni confermaton lo sant ord[e]
de capela ni dernyeire oncton e tots aquels q[ue]
non ay garda los cals non ay gardats an la
devoton que degra en calque maniera o en calq[ue]
entendemen que hyeu aia falhit ni pecat e[n]
aquestos vii comandemens e sagramens d[e]
santa gleysa fau ne ma cofecio a Dieu e a vo[s]
car payre
si ay pecat ni falhit els vii pecats mort[als]
anayci coma es erguelh avaricia envei[a]
ira golicia luxuria accidia e en
autras desonestats ❡ per erguelh hay
pecat e peque tot jorn en motas de manieras
alcunas ves per mon gran linhage
per mos nobles parens o per mos bons amis
o per ma beleleza o per mon cantar o per mon sab[er]
o per ma dignitat o per mon amenistrar que
cujava far miels que un autre e per aquo
ab manieras de aguelh hyeu ay pecat e
agut desobediens a mon senhor e ay
demesurat alcus homes e alcunas fremas o ay
[per]mes o per un o per autre que m’era neiatz e
que no o degues far ❡ per avaricia ay pecat
e falhit motas ves en acampar argen
deniers riquesas terras pocecios o per esura o per
raubaria o per falses sagramens o per barat o per
autre falsamen s’en retenen l’autruy saupudamen
o non ay partit als paures los bens q[ue]
Dieus m’a prestats que o degra far e o po[gra]
far ❡ per enveya ay pecat e falhit tot jorn
car motas ves ay enveyat alcun ben o alcun
bona obra o bona vertut que era en home o
en freme o ben dire o ben far que me desplasi[a]
e[n] maniera mays que fos en me aquela
vertut per cant que fos son profiech que aviera
mays que fos en me que cal era en el e me
desplazia son ben e n’avia dolor en mon cors
❡ pecat ay per ira e falhit e peque cascun i[orn]
car ay port[a]da ira e mota ulontate odi
[ran]cor en mon cor a salcus homes e a salcunas
fennas e lur trater si pogues cosi mal lur
n’agues o per me o per autre o per fach o per dich lur ne
47.me plazia ❡ per golicia ay pecat e falhit mo[tas]
vez en manjar o en beure las horas non degu[das]
que non me fazie mestier mas per ma gran g[o]la
[… .]n a vegadas per trop maniar o per trop beu[re]
[… .]emen crapulas ebrietatz e movemen
[… .ars] parlans mays que non degra e non

02r 2

[.]si a mon orde ambe aquel entendement que deg[ra]
que donava mal exemple a motas gens per aquel[la]
[f]olia ❡ per luxuria ay pecat e falhit cascun j[orn]
car per aventura ay cobezeiada la molher o la filha de
mon vezin o fenna veosa o de relegio que devon
eser per esposas de Dieu ay donat conselh o aparella
en maniera cosi la pogues aver o per me o per autre
o per fach o per dich ❡ per accidia ay falhit motas
ves en mon mestier que non lo fazia ambe aquel
entendement que degra ni amb aquela devoton ni
garde ni serve mon orde ni ma relegio ni one[sta]
ni obediensa anayci coma l’orde ni la relegio o
volgra ni anayci coma lo promesiy a Dieu atresi
soy estat persos car mota ves pogra esser levat
a matinas o anar romieu a la gleysa ausir
l’oficio o fach o dich ben o fach dire serven colerics
mesa e mot d’autres bens en calque maniera
en calque forma ni en calque volunta ni en
fau ne ma cofecio a Dieu e a vos car payre
20.[❡] si ay pecat ni falhit els vii pecats crimenals
per omisidi o per aulteri o per sacrilegi o per
fals testimoni o per roubaria o per metre fuoc
o per feri de payre o de mayre fau ne ma cofecio
a Dieu e a vos car payre
25.[❡] ben say e conoyse que motas ves ay
falhit e pecat en las iiii vertuts cardenals
que degran esser en me i en saviza ay falhit e
pecat car non ay dich ni fach an saviza ni
an descreto que degra en drech so es en
justicia ay falhit motas ves car ay donada
sentencia non drechuriera corectons e iutjats homes ie
fennas e fach e dich non segun rason ni segun drech
❡ ffalhit e pecat ay mota ves en far sa car non
ay contrastat a mals vices e a mals pecats e a
malas temptatons an la forsa que degra ❡ en
providencia ay pecat motas ves car non son estat
provesens dels luocs e del temps e de las personas
que m’aduzien o me podien aduyre a far pec[at]
❡ en las iii autras vertuts teulogicals que se
contenon anb aquestas ay pecat so es fe e esperansa
e caritat premieramen car non ay tengut
fe anayci coma promesyo lo prem[er …]
[bap]tisme mas que ay iurat e fach sagr[ament …]
[desmen]tida ma fe motas ves ❡ en [esperar …]
car no ay aguda l’esperansa al re[cebre …]
ni en l’orde de santa gleysa ni e[n …]
que si fan per los sans homes ❡ […]
e fach et motas ves car non ay p[. …]
[.]at ni aquela amor i a Dieu ni a[. …]
ni aiudan ni acuelhan aquela a[. …]
e sobre que tot als paures ❡ et […]
hyeu ay fach sopremen e[. …]
sagramens non complen […]

02v 3

prendre en falces cocelhs des acordis non
p[a]cificava [❡] non ay pater nostres ni ave Marias a m[a]
filhola ni a mes fjlholas ni la crezensa anayc[i]
coma fora tengut ❡ en donar delatons a
alguns non drechurieramen ay pecat e ay celad
ma veritat layus hon la degra manifestar
❡ en calque maniera ni en calque entende[ment]
que hyeu pecayre aia ofendut Dieu nostre senh[or]
ni madona santa Maria ni tos sans ni tos santas d[e]
paradis ni m’arma ni homes ni fennas ❡ [en]
las vii etats so es a saber en enfancia puer[icia]
adolesencia juventut senectut decrepitate
seniuz, sso es a saber en fazen en disen en pensan
parlan dormen velhan coyrian jazen estan
agacian cantan manian beven donan prenen auzen
vezen anan tocan fau ne ma cofecio a Dieu n[ostre]
senhor e a madona santa Maria et za tos sans e las
santas de paradis e a totas las vertuts del ciel e d[e]
la terra e a vos car payre e als angils e als
arcangels e a las vertuts las potestats las dominatons
los principats e las do[m]inatons los trons cherubim
e seraphim els patriarcas els prophetas els
evangelistas els apostols els martirs e aus cofesors
e a les verges e a las armas de tots los
fizels cresians e a tota la santa Trinita de parad[is]

À citer:

Etwaige Zitat:

Alessandro BONACCHI,

www.filologiaromanza.it Pistoia 2009-07.10.2021.

Pistoia 2009-07.10.2021.

Texte

Biblioteca Medicea Laurenziana Ashburnham 115 (∼ 1350)

Pénitentiel (examen de conscience)©

Articoli recenti